Nang dahil sa kasabawan sa pagtipa sa keyboard, binigyan ako ng 13 gabi na "pamamasyal" sa trabaho. Sa linggong ito, isang "pasyal" ang nakalaan para unti-unti kong bunuuin ang ipinataw na hatol ng mga nakakataas.
May mga nainggit dahil "night off" ako sa panggabing trabaho ko. Makakapagpahinga daw ako lalo na't bumabagyo. At makakapag-relax. Kunsabagay may punto rin sila. Subalit sa hirap ng buhay ngayon, hindi lang bawal ang magkasakit. Bawal din ang makaltasan ng sahod.
Iniisip ko na lang na kailangan may mahalaga akong magawa sa petsang ito. Ayon sa Multiply calendar ko, ngayon ang opening ng pinagpipitaganang Cinemanila sa Gateway mall. Mukhang ok pumunta. Kahit papaano, masasabawan ng sustansya ang aking kamalayan (no pun intended) sa pamamagitan ng lokal at foreign na sining pampelikula. Yun nga lang, hindi na siya free admission tulad nung 2001. Hehe, iba pa kasi siguro ang panahon nuon, Mr. Aguiluz. Bahala na nga.
Maari ring literalin ang "pamamasyal". Pwede kong damayan ang nauuhaw na Kamaynilaan at dokumentuhan ang epektong dulot ng bagyo gamit ang point-and-shoot digicam ko na napanalunan ko lang sa kumpanyang aking pinaglilingkuran. Tutal may dalawang photo contest ang nalalapit. Kung ang suspensyon ko ay magiging pagpapala, dun ako huhugot ng ipansasali.
Isang gabi na ang aking pinagbayaran nuong nakaraang linggo. May 11 gabi pa ang nakapila. Tulad ng alin mang pagkukulang, kailangan, may pampunan.
11 comments:
suspended kaw? baket?
hay naku hehehe ituuon na lang natin ang atensyon sa redeeming values ng insidente ;-P
hmm.. mukhang kasalanan mo naman a. :p
tara mamasyal, sama ako. hehe
saan naman?
sa maraming pwede pichuran. dadalin ko din bulok kong cam. hehe. sa UPDiliman lagoon na maraming bibe... sa Ortigas Park na madaming bermuda grass... o kaya sa studio para kunwari model. hehe hibang
pede!
o sige time space warp ngayon din!
sus! kung ako sana ay masususpinde ng contractor ko ay ang tuwa ko lang. kahit 48 hours lang, solb na ako. ;))
Napansin ko lang na parang iba na ang pananaw ng mga tao sa salitang "suspensyon". Parang, "salamat kung meron dahil extra pahinga". Hindi kaya dahil sa over worked na ang mga trabahador sa kasalukuyang uri ng panahon ng "multi-tasking"? At itinuturing na isang pagpapaubaya ang "pasyal' sa pagal na katawan.
Maaring kulang pa ako sa obserbasyon dahil isang maliit lang na sektor ng lipunan ang ginagalawan ko. Kailangan ko pa sigurong "pumasyal" para sa mas malawak na pang-unawa. Hwehehehehe!!!! ;-)
good goin mark! I'm on vacation august 20 to 24! ?
haha, ikaw din? :-p anong sala?
Post a Comment